- 投資理念：順勢而行 嚴守止蝕 制定策略 控制注碼
- 寧失機會莫失方向
- 可以踢順景波不踼，係都要將自己放在逆景位置。同打麻將一樣，一鋪鋪計。我相信你一定是之前輸很多錢，好想一次賺多d。唔好咁諗呀。會死人的。一步一步來，一百萬是一百個一萬來的、一萬是十個一千來的
- 千祈不要將自己放在賭博呢個位置？輸唔切咩？記住，投資者你一開盤就已經決定這個盤的策略，你現在的盤不會受現在的價影響的。開盤時已經訂了止蝕價了。人地早晨都未講，我們緊張什麼價，什麼目標都多餘。賭錢買張船飛去澳門賭百家樂仲大勝出率。
- 投資市場24 小時開，賭仔永遠驚錯失機會，投資者永遠怕冇方向。自己選擇做賭徒定投機者。
- 緊記，我們是為賺錢，不是為了賭錢，我經歷過的。投資者永遠是捕捉機會，賭博者下下都以為係最好的機會。千祈唔好估，佢一行我地就知。we are followers not makers..... trust me
- 去認識幅圖，幅圖就係紀錄。每小時，每天，每週。各有特式，股票要知道形態和趨勢，我們不能控制市場，只是要學識佢講咩俾我地知。只要知道佢講咩，我們就知道我們自己應該㸃樣去做。
世上沒有神仙，神仙都會錯。市場操作沒有(估）呢個字，我們只有果16 隻字。一切是策略，永遠輸錢都是因爲自己自以為是，去估佢。根本冇得估。 - 呢行永遠蝦窮鬼的。
- 我冇水晶球，更加不是神，但我有策略。
- 凡事投資是講預期，不是眼前呢一刻。
- 投資就好似在海裡游水一樣，必須要自己跳落去感受，訓練水感。而我就係你們的游泳教練，我不能令大家跟我後就成為奧運選手，但我保證只要你遵守紀律，一定不會浸死。在學習過程中，你難免會飲幾啖海水，這是一定的，但問題係你們自己有幾認真去學習。可能有人學極都唔識，我建議你們負責任地看一看自己，是否怕輸、不守紀律，自以為是等等。好似游水一樣，怕大風、怕危險、怕飲海水，又或者根本沒有策略。最後我建議一直輸的人，請你停一停，問下自己為什麼輸錢仍不放棄，假如你死性不改，我肯定你不會賺。假如願意投降去改變，請設下期限（錢和時間）。再失敗的話，請你離開投資範疇，因為你忌水，你是一隻雀仔，你一世不可能在水裡游啊。
尤其是一些明明窮鬼，又要貪心，又要做農夫，又要做獵人的人。首先不是市場問題，是你自己本身問題，你憑什麼去貪？本呢？最好做農夫一放種子快高長大，然後買把槍去打隻大笨象番嚟。天啊，你得種子本錢，一係買種子，一係買刀仔。因為不自量力，結果最後一事無成。
我都一樣面對同樣問題的。越窮越要學習，要係呢個市場生存，必須要了解自己要咩？做緊咩？如果諗住賭，唔應該係呢度。為什麼很多很多人都輸，因為佢以為自己是在投資投機，其實係賭。冇策略冇分析，仲要冇〈紀律〉。
最可憐係連賭錢都唔係，因為賭錢都預咗輸，純靠運。但往往係變成倒錢，以為自己不會輸、唔敢輸，自以為是。結局得一個...... 完。
戰鬥園、員、圓、源、袁、猿、完....... 你們自己揀吧。
- Sir 可唔可以分享下獵人同農夫既心態之間應該點樣處理股票 如果係坐盤係咪唔會考慮任何偷位 如果唔係其實自己只係短炒 比如是但拎今日隻6060 如果你長線睇好 你會唔會偷位平一部分倉 佢拋離十天線遠到咁 rsi去到9x
有機會偷，咁我肚餓，香蕉樹未熟曬，我都會食一隻綠色的蕉，但不會食曬。通常做trade 又要岩邊又要止蝕少，果隻99%係唔多郁。止蝕少一定要博邊，止蝕多一定出左邊，永遠不變的。
- 有時冇盤唔賭係要學，我們求賺，又不是求賭，更加不是要証明對錯。睇唔通，做唔到，為咩開盤。賭岩、估岩，博到又點？長遠作為交易員要負責任和面對是自己戶口，個市升我有call , 個市跌我有put ?講咩？神呀。我是這樣想的，個市升我冇put , 個市跌我冇call , 應賺去賺，應避我又避到，足夠了，唔駛煩。
很多時侯大家走左去賭博，而並不是投機狩獵，投資種植，而行去賭博。賭博往往目的不是求賺錢，而係為左證明我是對的，我係岩的，我沒有錯。難道面子重要過銀子？冇盤犯法嗎？看不通唔開就表示冇料到、屎？我不這樣認為。你哋去賭，不能話你哋錯。但要輸得起，負責任，呢行邊有先知？沒有早知、如果。投機，係把握機會，順勢而行，有勢就行，冇勢行條毛。
沒有留言:
張貼留言